Tuesday, March 22, 2011

aku pengutip sampah

semale kawe gi jale
jale jale cari make
sambil jale kelih kiri kanan
cari bare ada rega
mugo kawe ore sesak
cari bare jual bare
jupa tin kutip tin
jupa kotak ambik kotak
jupa kertas kutip lagi
jupa botol ambik botol
besi kawe heret jugak
kutip bare banyak banyak
wat kelik tak grumah dulu

semale kawe gi jale
gi cari tempat selalu
cari bare banyak ore
kutip kutip hak ada rega
tin, kertas, botol, besi ambik selalu
wat kelik dalam seminggu

semale kawe gi jale
bawak bare hak seminggu
gi jual kat simpang tiga
boleh pitis samas serial
boleh beli hak perlu
wat tanggung anak bini

dulu ngaji malas skali
demo gi skolah kawe lari
demo masuk kelas kawe lompat pagar
demo ngaji kawe mandi sungai
demo kelik kawe kelik
demo kilik beg kawe kilik beg
demo wat kelik ilmu
kawe tak leh ga satu

ore ngaji kawe busuk kohong
cukup bule ore ambik pitis
kawe tak tahu lagi
kalu sakit pitis habis
cukup bule pun lagu ni
gi cari buleh pitis

ingat awe ingat mek
cari ilmu biar sengoti
hari gi tak kelik mari
sedap tak lama
nyesal tak sudah
silap sediri tanggung sediri
mace kawe loni
jadilah kawe
jong kutip sampah
demo tohok kawe ambik
kerana pitis tu wei...


Ad6   feb2011
(catatan di tempat pembuangan sampah)